Daawo Sawirrada Tababarkii u Dambeyay ee Liverpool ka hor Finaalka Champions League

Jurgen Klopp iyo kooxdiisa Liverpool ayaa qaatay tababarkii u dambeyay oo ay ugu diyaar garoobayaan kulanka finalka Champions League ay waji doonaan naadiga Real Madrid.

NSC Olimpiyskiy Stadium oo ah garoonka uu ka dhaci doono finaalka ayaa ahaa jawi cadceed ah oo aad u qurux badan iyagoo ay tababarka ku raaxeystay xiddigaha kooxda.

Mo Salah ayaa Hogaaminayay kooxda Tababaraneysay waxayna u muuqadan Rads kuwa u diyaar ah inay cayaar adag kaga hortagaan naadiga tartanka xafidaneysa ee Madrid.

Kooxda Liverpool ayaa dib u heshay labadeeda xiddig ee James Milner iyo Emre Can kusoo kamid ahaa tababarkii maanta.

Daawo Sawirrada tababarka Liverpool.

Read More

Virgil van Dijk oo ku dooday inuusan u baahneen wax dhiiragalin ah ee ku aadan kulanka Real Madrid

Difaaca kooxda Liverpool Virgil van Dijk ayaa wuxuu xaqiijiyay inuu diyaar u yahay inuu ciyaaro finalka Champions League ee bari oo sabtida ah.

Virgil van Dijk ayaa kala soo muuqday shir jaraa’id, saaxiibkiis Jordan Henderson iyo macalinka kooxda Liverpool Jürgen Klopp, wuxuuna si cad u sheegay in ay diyaar u yihiin kulanka Finalka Real Madrid.

“Waxaan arkaa in qof walba uu diyaar u yahay islamarkaana uu rajeynayo inuu guuleysto, waa wax aad u wanaagsan in aad qeyb ka noqo kulankan oo kale, hadda waan joognaa, waxaan dooneynaa inaan sameyno wax walba oo aan heysano”.

“Uma maleynayo inaan u baahanahay dhiirogelin dheeraad ah ee ku aadan kulanka berry, waxa ay noqon doontaa wax qaas ah oo midkeenaba, markaan ka qeybgalno finalka Champions League, waa inaan ku raaxeysanaa ciyaarta, si aan u soo bandhigno wax walba ee awoodeena ah”.

“Tan iyo markii aan halkan imid, qof walba aad ayuu ii soo dhaweeyay, ciyaartoyda, tababarayaasha iyo shaqaalaha, Liverpool waa kooxdeyda, Anfield waa gurigeyga, waan jeclahay kooxdan”.

Read More

Roy Keane Oo ka hadlay kulanka final-ka Champions League, kooxdee ayuu sheegay inay guuleysan doonto?

Roy Keane ayaa sheegay  in Cristiano Ronaldo, uu go’aamin doono kulanka finalka Champions League ay bari ku wada ciyaari doonaan Real Madrid iyo Liverpool caasimada dalka Ukraine ee Kiev.

Kooxaha Real Madrid iyo Liverpool ayaa kadib mudo fog ay diyaar garow balaaran ku jireen waxay bari oo sabti ah ku balansan yihiin in ay ku kala baxaan kulanka finalka Champions League xili ciyaareedkan 2017/2018.

Kantankii hore Man United ayaa sheegay: “Waxaan qabaa in Real Madrid ay ku guuleysan doonto finalka Champions League”

“Real Madrid waxay heysataa Cristiano Ronaldo, waxaan qabaa in Liverpool ay sameyneyn karto waxyaabo badan, laakiin aniga ahaan Real Madrid ayaa guuleysan doonto sababa la xidhiidha Cristiano Ronaldo”.

Read More

Halyeygii Reer Brazil Ee Ronaldo Nazario Oo Saadaaliyey Natiijada ciyaarta Finalka Real Madrid v Liverpool, Ka Hana Hadlay Mohamed Salah, Neymar, Ronaldo Iyo Messi

Xiddigii hore ee xulka qaranka Brazil iyo Kooxaha Ajax, Barcelona, Inter Milan iyo Real Madrid ee Ronaldo Nazario ayaa ammaan ballaadhan u jeediyey xiddiga Liverpool ee Mohamed Salah, kaas oo uu tibaaxay inuu la mid yahay Lionel Messi.

Ronaldo oo waxa uu sheegay inuu aad u jecel yahay Mohamed Salah iyo qaabka uu u ciyaaro iyo waxyaabo badan oo noloshiisa ku saabsan oo uu ka akhriyey.

“Liverpool, waxa aan Jecelahay Salah oo ah ciyaartoy cajjiib ah oo tayo heersare ah leh, waxaanay ila tahay inuu aad ula mid yahay Messi. Dhowaan ayaan akhriyey in uu aniga igu dayan jjiray, aadna waan ula dhacay, waanan ku faraxsanahay inaan arkay” Sidaas ayuu yidhi Ronaldo Nazario oo la hadlayey barnaamijka El Partidazo ee idaacadda Cope. Inkasta oo aanu ka qayb-geli doonin ciyaarta finalka Champions League oo uu sii wadan doono fasaxa uu ku joogo Ibiza, haddana waxa uu sheegay inuu saadaalinayo in Real Madrid ay 3-2 kaga adkaan doonto Liverpool, waxaanu yidhi: “Real Madrid ayaa 3-2 ku adkaan doonto, haddii ay ku guuleystaan koobkana waxay noqon doontaa dhacdo aan la malayn karin oo gashay taariikhda kooxda.”

Halyeyga reer Brazil waxa uu tibaaxay in shaki badan sannadkan la gelinayey Real Madrid balse uu ku niyad-san yahay inay gaadhi doonaan guul taariikhi ah.

“Waxa jiray shaki sannadkan, laakiin aad ayaan ugu niyadsamahay fursadda kooxdu u haysato inay gaadhaan guul taariikhi ah, danna kama lihi cidda uu tababaruhu ciyaarsiinayo, laakiin Bale ayaa u muuqda inay halis noqonayso haddii laga tago, sababtoo ah si fiican ayuu u ciyaaray dhamaadka xili ciyaareedka, waxaana jira doorashooyin kale sida Isco iyo Marco Asensio.” ayuu yidhi R9 .

Ronaldo waxa kale oo uu ka hadlay sida ay Real Madrid u wada ciyaarsiin karto Neymar iyo Cristiano Ronaldo haddii uu laacika reer Brazil go’aansado inuu ka tago PSG, waxaanu yidhi: “Cristiano Ronaldo iyo Neymar way ku habboon yihiin inay wada ciyaaraan, waana laba laacib oo aad u wanaagsan oo ku habboon inay koox u wada ciyaaraan halkii ay laba naadi kala joogi lahaayeen.

Haddii uu Neymar go’aansado inuu ka tago PSG, cidina ma joojin karto, Real Madrid ayaana u dhaqaaqi doonta inay hesho. Aniga ayey igu dhacday oo go’aansaday inaan ka tago Barcelona, laakiin ma garanayo in marxaladdaydii oo kale uu ku jiro.” sidaas ayuu yidhi.

Inta uu socdo Koobka Adduunka ee bisha dambe furmaya, Ronaldo waxa uu la shaqayn doonaa FIFA iyo telefishanka Brazilian TV, waxaana uu aaminsan yahay in dalkiisu caqabadda ugu weyn kala kulmi doono Spain, waxaanu yidhi: “Jarmalku aad ayey u xoog badan yihiin, laakiin Spain ayaa ah koox fiican, sababtoo ah, way dhiirran yihiin, is haystaan oo dheereeyaan. Waa waddanka loollanka ugu adag ku haya Brazil koobka adduunka.”

Read More

Madaxwaynaha kooxda Barcelona ayaa qirtay inuu la kulmay wakiilo ka socda weerar yahanka Atletico Madrid ee Antoine Griezmann.

Xiddiga reer France ayaa si wayn loo la xiriirinayay muddooyinkii u danbeeyay kooxda Barcelona oo la sheegay inay heshiis la gaartay.

Bartomeu oo waraysi dheer siiyay Radio Catalunya ayaa sheegay inuu la kulmay Antoine Griezmann iyo wakiiladiisa, wuxuuna intaa ku daray inuu la hadlay madaxwaynaha Atletico Madrid.

Madaxwaynaha Barcelona oo ka hadlay saxiixa Antoine Griezmann ayaa yiri:

“Kama hadlayno ciyaartoy aan ka mid ahayn kooxdeena, maalintii fasaxa ayaan la kulmay Antoine Griezmann iyo wakiiladiisa”.

“Sidoo kale, waxaan arimahaas kala hadlay madaxwaynaha Atletico Madrid, xiriir fiican ayaan wada leenahay”.

Read More

Taageerayaasha Manchester United oo ugu baaqay Cristiano Ronaldo in uu Cagta Mariyo Liverpool una diido Champions League

Taageerayaasha kooxda Kubada cagta Manchester United ayaa ugu baaqay Cayaaryahankoodii hore ee Cristiano Ronaldo in uu cagta Mariyo Liverpool isla Markaana uu u diido in ay qaadaan koobka Champions League.

Manchester United Taageerayaasheeda ayaa doonay in Livepool aysan qaadin Koobka Champions League Waxaana ay ugu baaqeen Ronaldo in uu xooga saaro sidii aysan ugu guuleysan lahayn.

Liverpool ayaa xaqiijisey in ay Real Madrid la dheeli doonaa Cayaarta kama damabaysta ah ee koobka Champions League. kadib markii ay ku soo bexeen Goolal tirsi kulamadii ay ladheeleen kooxda Roma waxaana sheekadaas aan soo dhaweyn Taageerayaasha Manchester United oo Cadaawad fog ay kala dhaxayso LiVepool mana doonayaan in ay qaadaan koobka.

Kulanka Finalka ee koobka Champions League.ayaa ladheeli doonaa 26 ka bishaan Waxaana lagu Cayaari doonaa Magaalada Kiev halkaa oo lafilayo in ay ka dhacdo Cayaar aad u adag.

Cristiano Ronaldo during the UEFA Champions League football match Paris Saint-Germain vs Real Madrid, on March 6, 2018 at the Parc des Princes stadium in Paris. (Photo by Mehdi Taamallah/NurPhoto via Getty Images)

Read More

Been ayaan sheegay haddii aan iraahdo gacantaydu kubadda ma taaban” – Marcelo oo hadlay

Daafaca kooxda Real Madrid ee Marcelo ayaa qirtay inuu xalay gacanta ku taabtay kubadd isaga oo ku jira diilinta ganaaxa ee kooxdiisa.

Ciyaartoyda iyo taageerayaasha kooxda Bayern Munich ayaa ku dooday in kooxdoodu ay ahayd in loo dhigo gool ku laad kadib kubaddii uu taabtay Marcelo.

Marcelo ayaa sheegay in garsooruhu uu qalad gali karo sidaas si lamid ahna garsoorayaashu ay qalad ka galaan kooxdiisa Real Madrid sida uu hadalka u dhigay.

“Been ayaan sheegay haddii aan iraahdo kubaddu gacantayda ma taaban, laakiin ugu danbayntii kama hadlayo garsoorayaasha waayo mararka qaar qalad ayeey naga galaan, sidaas darteed anagu marnaba kama hadalno garsoorayaasha” ayuu yiri Marcelo.

“Wax walba waa suurogal marka la joogo kubadda cagta, gool ayaa nalaga dhaliyay kadibna dib ayaan ugu soo laabanay ciyaarta”.

“Waa inaan ku raaxaysanaa guulihii aan gaarnay, haatan waxaan dhigaynaa taariikh kadib markii aan gaarnay Final-ka Champions League 4-mar 5-tii sano ee ugu danbaysa

Read More

Xogta Guud ee Taariikhda Koobka Aduunka oo Kooban+SAWIRRO

Xili ay ka harsan tahay bilaabashada ciyaarha koobka aduunka 2018 ee Russia ka dhici doona 42 maalin waxaan la socod siineynaa aqristayaasheena Goolfm.net inaan bilaabi doono taariikhda koobka aduunka tan iyo markii lasoo bilaabay 1930-kii ilaa 2014.

20-jeer ayaa la qabtay ciyaaraha koobka aduunka waxaadna maalin dhaaf u heli doontaan taariikh kasta oo koobka aduunka ah,

Waxaan maanta ku bilaabi doonaa xog kooban oo ku aadan taariikhda koobka aduunka.

FIFA World Cup, waa dhacdada ciyaarta ugu weyn aduunka waxaana si fudud loogu dhawaqaa World cup ama Koobka Aduunka,waxaa lasoo bilaabay taariikhdu markey aheyd 1930kii iyadoona la ciyaaray koobkan 20 jeer xili dhawaan la qaban doono markii 21-aad ee tartanka kubada cagta aduunka oo ka dhici doona dalka Russia.

Koobka Auunka waa tartan heer caalami ah oo ay ciyaaraan xiriirada kubada cagta aduunka ee hoos yimaadka FIFA waxaana koobka aduunka ciyaara Rag ka kala socda dalalkooda.

Dhacdada koobka aduunka ayaa la qabtaa afartii sanaba mar tan iyo sanadkii 1930kii, balse wuxuu hakad ku yimid ciyaarista koobka aduunka  sanadihii  1942 iyo 1946 markaa uu socday dagaalkii labaad ee aduunka .

Ku guuleystayaasha horyaalka aduunka waxaa hadda ah xulka Germany, kuwaa oo afar jeer heysta koobka xiligii ugu dambeysana waxey qadeen dhacdadii 2014 ee Brazil marti galisay.

Ciyaaraha koobka aduunka ayaa soo mara mar xalado loogu soo gudbo iyadoo xulalka ay soo ciyaaran kulamo isreeb-reeb qaaradood ah ugu dambeyn ayey usoo baxaan koobka aduunka 32 dal uu kamid yahay marti galiyaasha oo aan ciyaareenin wax isreeb-reeb ah .

20-kii dhacdo ee horay loosoo ciyaaray koobka aduunka waxa ku guuleystay sideed dal. Brazil ayaa ah xulka ugu hanashada badan waxeyna qaadeen 5 jeer, sido kalana waa dalka qura ee ciyaaray  tartan kasta oo koobka aduunka ah.

Guuleystayaasha kale ee koobka aduunka waxa kamid ah Germany iyo Italy, oo min afar jeer heysta ; Argentina Uruguay oo labo jeer ah ; iyo min hal jeer oo ay qaadeen dalalka kala ah England, France iyo Spain.

Sawiradaan waa Xulalkii ku guuleystay koobka aduunka tan iyo markii lasoo bilaabay 1930 ilaa 2014.

Read More

Thomas Muller oo qirtay in Real Madrid aysan xalay ku soo bixin gacanta garsooraha

Weerar yahanka Bayern Munich ee Thomas Muller ayaa qirtay in Real Madrid aysan Final-ka ku gaarin gacanta garsoorihii xalay.

Thomas Muller ayaa sheegay in kooxdiisu aysan wax cudur daar ah u haysan qaabkii xalay ay uga hartay koobka horyaalada yurub.

Hadalkiisaan ah in Real Madrid ay u qalanto gaarida ay gaartay Final-ka Champions League ayaa burinaya waraysigii ka horeeyay ciyaarta ee uu ku sheegay kooxda tababare Zidane mid ku socota awooda garsoorayaasha.

“Ma jiro cudur daar loo haayo guul darada na soo gaartay, sifiican ayaan u ciyaarnay kulankii lugta hore, laakiin uma aanaan badalin fursadihii aan helnay goolal iyo guul” ayuu yiri Muller dhamaadkii ciyaarta.

“Waxaan rumaysanahay in garsooruhu uu qabtay shaqo aad u fiican, dartiis uma aanaan guul daraysan, Navas ayaa soo bandhigay qabaciyaareed aad u fiican, marar badan ayuuna badbaadiyay kooxdiisa, isaga ayaana guusha siiyay Real Madrid”.

Siraaj Hero 

Read More

Zidane oo hadlay kaddib Rafaadkii ay ugu soo gudbeen Final-ka

Real Madrid ayaa xalay si dhib badan ugu soo gudubtay Final ka Champions League markii saddexaad oo xiriir ah kaddib bar baro 2-2 ay la gashay Bayern Munich.

“Waxaan la ciyaarnay kooxo waa wayn, Juve isla sidaa ayay ahayd, sidoo kale PSG,” Zidane ayaa sidaa saxaafada u sheegay ciyaartii xalay kaddib.

“Waan faraxsanahay maxaa yeelay waxaan garaacnay saddaxda kooxba iyadoo ay jirto inaan dhibtoonay.

Zidane oo wax laga waydiiyay inuu xalay ku soo bilaabay Benzema ayaa yiri:

“Waan u faraxsanahay isaga, wuu u qalmay in lagu soo bilaabo, wuxuu sameeyay farqiga.

“Way fiican tahay marka ay kubbada cagta ku dhammaato sidan oo kale.

Zidane oo sidoo kale ka hadlay goolhaye Keylor Navas oo xalay Wacdaro dhigay ayaa yiri:

“Wuxuu sameeyay bad-baadooyin wayn qeybta labaad, aad ayaan u faraxsanahay.”.

Read More

Muxuu Ka Yidhi Halyayga Bayern Munich Oliver Kahn Qaladkii Fool Xumada Ahaa Uu Sameeyay Goolhaaye Sven Ulreich Kulankii Santiago Bernabéu Ee UCL?.

Goolhayihii hore xulka qaranka Germany iyo kooxda Bayern Munich Oliver Kahn ayaa wuxuu iska diiday in goolhaaye Sven Ulreich, uu sababa buuxa u ahaa in  kooxda reer Germany ay isaga harto tartanka Champions League, kadib markii uu barbaro kusoo idlaaday kulankii ka dhacay garoonka Santiago Bernabéu, isagoo tilmaamay in qaladaadkan oo kale ay ka dhacaan goolhaayayaasha caalamka.

Karim Benzema ayaa dhaliyay goolkiisii labaad ee ciyaarta ahaana isla goolkii labaad ee Real Madrid ee kulankan isagoo ka faa’ideestay, qaladkii fool xumada ahaa uu sameeyay goolhaaye Sven Ulreich, kadib kubad uu u baasay saaxiibkiis Corentin Tolisso daqiiqadii 46-aad, laakiin Ulreich ayaa ka labalabeeyay in uu kubada banaanka u tuuro, kahor inta uusan dhulka ku dhicin, taasoo fursad wanaagsan siisay Benzema si uu u dhaliyo goolkiisii labaad ee ciyaarta.

Oliver Kahn ayaa u sheegay wargeyska “Sport” ee dalka Spain: “Sida iska cad wuxuu ku fikiray laba waxyaabood oo waqti isku mid ah, wuxuu doonayay inuu kubada gacanta ku qaato, isla markaana wuxuu hadana doonay inuu banaanka u tuuro”.

Halyayga xulka qaranka Germany: “Waxyaabahan oo kale waxay ku dhacaan dhammaan goolhayayaasha, waxaana sidaan oo kale aan la kulmay kulan aan kaga hor imid Real Madrid, kadib laad xur ah uu soo tuuray Roberto Carlos, ma soo kabsan kartid maalinta xigta”

Waxaa xusid mudan in kulankii u dhexeeyay Real Madrid iyo Bayern Munich inuu ku dhamaaday barbaro goolal 2-2 ah kaasoo ka dhacay garoonka caalamiga ah ee Santiago Bernabeu, Los Blancos ayaana sidaas ugu gudubtay kulanka finalka markii saddexaad oo xidhiidh ah, iyadoo kaga faa’ideysatay guushii 2-1 ahayd ay ku soo gaadhay kulankii lugta hore ay Bayern Munich ku booqatay garoonka Allianz Arena.

Read More

Wargays ka soo baxa Catalonia oo Salah la barbardhigay Lionel Messi

(Liverpool) 25 Abriil 2018 Mohamed Salah ayaa soo bandhigay qaab ciyaareed aad u soo jiitay intabadan taageerayaasha xiiseeya kubadda cagta.

Wargayska Sport ee aadka ugu dhaw Barcelona ayaa daaha ka qaaday in Mohamed Salah uu u qaab ciyaareed dhaw yahay Lionel Messi.

Wargayska oo warbixin ka diyaariyay weerar yahanka Liverpool iyo qaab ciyaareedkiisii cajiibka ahaa ee xalay ayaa sheegay in laacibku uu lamid yahay kabtanka xulka Argentina.

Warbixinta ayaa lagu sheegay in Salah uu uga egyahay Messi dhanka xirfada iyo waliba sida aqliga badan ee laacibku uu u dhalinayo goolasha isla markaana uu kubadda ugu baasayo asxaabtiisa kale ee kooxda.

Wuxuuna intaa ku daray in Mohamed Salah uu gool ka dhalin doono Roma kulanka lugta labaad maadaama uu yahay laacib ay adag tahay in laga celiyo shabaqa.

Gool FM

Read More

Franck Ribery oo Caawa la GANAAXI doono haddii uu Dabaal degan ku sameeyo Real Madrid….(Maxay tahay Sababta

(Europe) 25 Abriil 2018. Franck Ribery ayaa lagu amray inuu joojiyo dabaal degga “A-OK” kaddib markii loo arkay inay ka careysiineyso dadka ku nool dalkiisa Faransiiska iyo dadyow kale.

Bild ee ka soo baxda dalka Jarmalka ayaa warineysa in Ribery loo sheegay inuu joojiyo dabaal deggan maadaama ay ka careysiineyso dadka ku nool Faransiiska, Bariga Yurub iyo waliba qeybo ka mid ah Woqooyiga America.

Dabaal degga “A-OK” ayaa caadi ka ah isla markaana aan dhib loo arkin marka la joogo dalka Jarmalka iyo waliba Ingiriiska.

Yeelkeede, Dalalka aan kor ku soo xusnay ayaa aflagaado looga yaqaanaa, waxaa xitaa loo fasiran karaa inay weerar ku tahay isku taga Jinsiyadaha isku midka ah ‘homosexuality’.

Franck Ribery ayaa caawa eegan doona inuu goolkiisii 7-aad dhammaan tartamada ka dhaliyo kooxda Real Madrid marka ay wada ciyaarayaan lugta hore ee afar dhammaadka Champions League ee lagu ciyaari doono Allianz Arena.

Waxaa la warinayaa in Bayern Munich ay ciqaabi karto Ribery haddii uu dib u soo celiyo dabaal degga “A-OK”.

Siraaji muktar Abubakar 

Read More

Caawiyihii Hore Man United Rene Meulensteen Oo Kashifay Inuu SAF Damacsanaa Saxiixa Sadex Xidig Oo Jarmal Ah Ka Hor Shaqo Ka Fariisadkiisa.

Rene Meulensteen oo xili lasoo shaqeeyay tababarahii ka hawlgabay kubada cagta ee Sir Alex Ferguson ayaa kashifay qorshe uu lahaa ka hor inta uusan isaga bixin garoonka Old Trafford.

76-jirka reer Scotland wuxuu isaga fariistay kubadda cagta sanadkii 2013 kadib markii uu horyaalkii 13-aad ee Premier League u hogaamiyay kooxdiisii hore, balse wuxuu aad u damacsanaa inuu xagaagaas kooxda ku xoojiyo sadex xidig oo Jarmal ah ka hor inta uusan qaadan go’aanka.

Mid ka mid ah ciyaartoydaas hadda wuxuu ka tirsan yahay Manchester City waana Ilkay Gundogan, sidoo kalana wuxuu Ferguson isha ku haya xidigaha kale ee Mats Hummels iyo Marco Reus.

“Wuxuu ahaa mid mar walba dagan, wuxuu ahaa qofka ugu horeeya ee xerada tababarka Carrighton, waxba ma akhriyin oo isaga ku saabsan wuxuuna soo jeediyay inuu fasalka yahay kiisii ugu dambeeyay” ayuu yiri Rene.

Waxaan laheyn kulankeena caadiga ah ee ka horeeyay kulamada fasaxa, sanadkaas waxaan u soconay Australia, Sir Alex wuxuu noo sheegay inuu naga qaadanayo kan ugu fiican, waxaan u hanqal taagayay midaasi”

“Waxaan laheyn kulan la laheyn indha-indheeyayaasha, waxaan raadineynay ciyaartoy suuragal ah inagoo isha ku heyno inaan kooxda ku dhisno aragti ahaan waxa noo sawiran, dhamaan waxey ahaayeen kuwa socda”

“Waxaan isha ku heynay tiro ciyaartoy Jarmal ah – Hummels, kaas oo aaday Bayern – sidoo kale waxaan isha ku heynay Gundogan iyo sidoo kale Reus, wxaa jiray ciyaartoy badan balse wali uma aanan cayimin inaan si dhab ah bartilmaameed uga dhiganay”.

Read More